Link açıqlığı

Qırım musulmanları eski caminiñ tamir etilmesine para toplaylar


Qarasuvbazar rayonındaki Kök Taş köyüniñ musulman cemiyeti lâqayt qalmağanlarnı köyniñ eski caminiñ tamir etilmesine isse qoşmağa çağıra, dep haber ete Qırım musulmanları Diniy idaresiniñ matbuat hızmeti.

Cami qurucılığınıñ tarihı aqqında arhiv malümatları yoq. Yerli sakinlerniñ aytqanlarına köre, Cami tahminen 16-ncı asırnıñ soñunda inşaat etilgen edi. Kök Taş camisi mihrabında yazı bar. Oña köre, soñki sefer cami 1895 senesi (Hicriy taqvimge köre 1312 senesi) tamir etilgen edi.

Bu sene oktâbr ayında köy musulmanları öz küçünen camini tamir etmege başladılar. İlk evelâ divar ve pencereler tamir etildi, minare temeli qoyuldı.

Tamir işlerini bitirmek içün para yeterli degil. Para dam qurucılığı ve qurucılarnıñ maaşlarına sarf etilecek.

Paranı köy musulman cemiyetine bermek mümkün. Malümat içün telefon: +7 (978) 799 68 41 (Seyran Kerimov).

Bundan ğayrı, paranı Qırım musulmanları Diniy idaresine bermek mümkün. Qırım müftiyatınıñ adresi: Aqmescit şeeri, Kurçatov soqağı, 4 (Kebir Cami).

XS
SM
MD
LG