Link açıqlığı

QMDİ: Sudaq rayonında belgisiz insanlar camini yaqacaq ediler


Noyabr 12-de gece belgisiz şahıslar Sudaq rayonınıñ Qoz köyündeki (Solneçnaya Dolina) camini camini yaqacaq oldılar. Bunı Qırım musulmanları Diniy idaresiniñ matbuat hızmeti bildire.

Cami imamı Edem Müslimovnıñ malümatına köre, vaqia noyabr 12-de saat 21-de olıp keçti.

«Cinayetçiler penjereni yaqıp, camige kirerek, odunlarnı qaldırdı ve binanıñ birinci qatında ateş açmağa tırıştılar. Cami azbarında yaşağan bekçi bunı kördi. O, cami yanğınına yol bermedi, lâkin cinayetçiler qaçıp kettiler», – dep bildire matbuat hızmeti.

QMDİ bildirdi ki, cami ciddiy bir zarar körmedi, sadece pencere çerçivesi yandı. Vaqia yerinde uquq qoruyıcılar çalışa. QMDİ matbuat hızmeti bergen malümatına köre, camide videonezaret sisteması yoq edi.

Qırımda yarımada işğalinden soñ bir qaç kere camilerni yaqacaq ediler. İyün 13-te, saba erte, Beraat gecesinde belgisiz şahıslar Aqmescitniñ Lugovoye mikrorayonında camige «Molotov qarışmalarını» attılar.

XS
SM
MD
LG