İşğal etilgen Yaltada beş saat devamında öksüz bala ve saqatlar içün bedava yuridik yardım kösterilecek. Qırım.Aqiqat mühbiri bergen malümatına köre, böyle numayış noyabr 20 künü keçirilecek ve BMT Bala aqları deklaratsiyası ve Bala aqları aqqında konventsiyasınıñ qabul etilüv yıllığına bağışlanacaq.
Bu kibi mesleat noqtaları şu künü Qırımnıñ er bir köşesinde olacaqtır.
Yaltada işbu mesleat beş saat devamında keçirilecek. Teşkilâtçılarnıñ fikrine köre, öksüz bala ve saqatlarğa yardım etmek içün bu vaqıt yeterlidir.
Bunıñ ile bedava mesleatlar ana-babasız qalğan balalarnı öz ailelerine almağa istegenler içün de berilecek.
Adliyecilerden ğayrı, mesleatlarnıñ berüv ketişatında notarius, «politsiya», prokuratura, RAGS bölüginiñ, bala işleri boyunca hızmetniñ. Nefaqa fondınıñ territorial organnıñ, mahkeme hadimleri iştirak etecek.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
