Link açıqlığı

Saatnıñ esas haberi

Qırımda şeer ve şeer civarında yürgen trolleybuslarda yol fiyatı köterilecek


İşğal etilgen Qırımda 2015 senesinden şeer ve şeer civarı naqliyatında yol fiyatı paalılaşacaq. Bunı çarşenbe künü, noyabr 12 künü, Aqmescitte matbuat konferentsiyası devamında Qırımnıñ fiyat ve tarif boyunca «Devlet komiteti»niñ reis vazifelerini eda etken Оlga İgoşina bildirdi.

«Trolleybuslarda yol fiyatı, fikrimizge köre, şübesiz ki, köterilecek, çünki 4 ruble 25 kapik – iqtisadiy ceetten elverişsiz bir fiyattır, o 3,4 kursı boyunca grivnalardan ruble para birlemine çevirilgen edi», – dep añlattı o.

İgoşina bergen malümatqa köre, yañı fiyatlar trolleybuslarda 2015 senesinden olacaqtır.

Al-azırda Aqmescitte trolleybus biletleri dörter on yedi rublege satıla, – dep haber ete Qırımnıñ öz başına tayin etilgen akimiyetiniñ ruporı Krıminform saytı.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG