Link açıqlığı

İşğal etilgen Qırımda, Nikita nebatat bağçasında, Küz çeçegi balınıñ qıraliçe ve şahzadeni sayladılar. Qırım.Aqiqat saytına belli olğanı kibi, bu sene ziyaretçiler qıraliçe olaraq Küz çeçeginiñ «Kiko» çeşitini sayladılar, şahzade ise «Kapuçino» çeşiti oldı.

Nikita nebatat bağçasında qayd etkenleri kibi, noyabr başından mında yüz biñden ziyade insan bulundı eken.

«Kikonıñ ğalip çıqmasını daa keçken sene tüşüne edik. Amma o vaqıt olmadı – özüniñ güzelligini kösterip olamadı ve seyirciler onı añlamadılar. Bu sene tabiat bizge bereketli noyabrni bağışladı ve er şey kerek olğanı kibi çıqtı. Qadimiy çin küz çeçeklerni añdırğan Kiko özüniñ tam dülberligini numayış etti. Onıñ türlü yapraçıqlardan ibaret olğan topuzu ğayet acayip edi. O hususiy ve tekrarlanmazdır. Çeçek de yavaş açıla, amma uzun vaqıt devamında solmay. İşimizniñ neticesidir, çünki çeçek Qırımnıñ tabiat şaraitlerine uyğunlaştırıldı», – dep añlattı Nikita bağçasınıñ çeçek östürüv ameliyathaneniñ reberi, biologiya namzetlerniñ doktorı, professor Zinaida Klimenko.

Umumen sergide 30 biñ çeçek taqdim еtildi.

XS
SM
MD
LG