Link açıqlığı

Saatnıñ esas haberi

Rusiye qanunları qırımlılarğa ukrain aydavcı şeadetnameler ile yürmege yasaq etmey


İşğal etilgen Qırımda aydavcılarğa Ukrainada berilgen aydavcı şeadetnamelerni Rusiye soylarına deñiştirmege kerekmey, çünki Rusiye qanunlarına köre, memlekette halqara ve çetel şeadetnameleri de tanıla.

Bu kibi netice «İnformer» neşiri tarafından aşkâr etilgen malümattan añlayışıla.

Resmiy cevapta müessise Rusiye Federatsiyasınıñ «Yol areketi havfsızlığı aqqında» qanunınıñ 25 madde 12 qısmına esaslana.

«Rusiye Federatsiyasında daima ya da vaqtınca yaşağan şahıslar Rusiye milliy aydavcı şeadetnameleri boyunca, olar olmasalar, maddeniñ 13-ncı qısmına köre, milliy ya da halqara aydavcı şeadetnameleri boyunca naqliyat vastalarnı idare ete bileler», – denile vesiqada.

Evel qayd etilgeni kibi, işğal etilgen Qırımda naqliyat vastalarnıñ ğayrıdan qayd etüv ketişatını ve aydavcı şeadetnamelerniñ deñiştirüvini 2015 senesi yanvar 1-den soñ de devam etmege planlaştıralar.

XS
SM
MD
LG