Link açıqlığı

Saatnıñ esas haberi

Qırımnıñ «devlet şurası» «Halq imayecilri – Qırım Cumhuriyetiniñ halq drujinası» aqqında qanunnı federal qanunlarnen uyğunlaştırdı. Deñişmelerge köre, «halq imayecliyerni» «Nazirler şurası» tertip etkeni aqqında madde alıp taşlandı.

Bu tüzetüvler noyabr 12 künü Qırım «parlamentiniñ» toplaşuvında qabul etildi.

«Halq imayecileri taqımları «Vatandaşlarnıñ cemaat tertibiniñ temin etilüvinde iştirak etüvi» Federal qanunğa köre, tertip etileler», – dep aytıla «qanunda».

Endiden soñ, Qırım İçki İşler Nazirligi ve ükümet ile añlaşıp «imayecilerge» saylanılğan reberler yolbaşçılıq yapacaqlar.

Bunen beraber, «Halq imayecileri Qırım cumhuriyet ştabı» «Nazirler şurası» tarafından teşkil etilgeni ve devlet esabına çalışqanı» aqqında madde alıp taşlandı.

Amma, Qırım «yolbaşçısı» özü reberlerni tayin etecek ve işten çıqaracaq.

İyün ayında Qırım «parlamenti» «Halq imayecileri – Qırım cumhuriyeti halq drujinası» aqqında qanunnı qabul etti.

Mart 16 künü Qırım ve Aqyarda referendum ötkerildi. Onıñ neticelerine esaslanıp, Rusiye yarımadanı öz terkibine qoştı. Ukraina, Avropa Birligi, AQŞ bu rey berüvni tanımadılar.

XS
SM
MD
LG