Qırım «Devlet şurası», çarşenbe künü, noyabrniñ 12-nde Qırım «parlamentiniñ» yañı reberini tayinledi.
Bunı müessiseniñ matbuat-hızmeti bildire.
Bundan evel bu vazifede Margarita Ponomarenko buluna edi. Matbuat-hızmetiniñ malümatına köre, Ponomarenko öz istegi ile işten çıqtı.
Qırım «parlamenti» qararı ile yañı reber olaraq, apparatnıñ sabıq reis muavini Valentina Şevel tayinlendi.
