Link açıqlığı

İşğal etilgen Qırımğa Şimaliy- Qırım kanalından suv yiberile bere.

Укринформ haber etkeni kibi, bunı Herson vilâyeti mudafaa Şurası toplaşuvında vilâyet memuriyet reisi Andrey Putilov bildirdi.

«Bugün Qırımnıñ serbest iqtisadiy statusı bar. Rusiye istese, suvnı satın ala bile. Biz Qırım içün kanalnı açarmız», – dedi Putilov.

Onıñ sözlerine köre, Qırım içün suv dünyada satılğan fiyatlardan teklif etilecek, eñ azı 1 kubometr içün 1 yevro tölemek kerek olacaq.

Bundan evel, Ukraina ekologiya ve tabiy resursları naziri Andrey Mohnik bildirgenine binaen, Ukraina Qırımğa temiz suvnı yetkezip olur, amma, hocalıq işhaneler añlaşmalarnı tizmek kerekler. Bunen beraber, yarımadağa suvnı kestirecek dambanı qurmaq niyetler bar olğanını qayd etti.

Qırımnıñ 85% suv ihtiyaclarını Dneprniñ Şimaliy-Qırım kanalı temin ete edi. Bu suvnı esasen köy hocalıqta işlete ediler. Qırım işğal etilgen soñ, suvnı kestiler.

Avgust 14 künü Ukraina Yuqarı Şurası Qırımda serbest iqtisadiy alannı teşkil etmek qanunnı qabul etti. Oña köre, yarımadada iqtisadiy faaliyetniñ ayırı hususiyetleri bar.

XS
SM
MD
LG