Link açıqlığı

Ukrainada Yañı yıl tatili doquz kün sürecek


Ukraina Nazirler şurası Yañı yıl bayramı künleri iş künleriniñ keçirilmesi aqqında qararnı azırladı. Bu aqqında ükümetniñ «2015 senesi iş künleriniñ keçirilmesi aqqında» qarar leyhasında aytıla, – dep haber ete UNİAN.

Böylece, Nazirler şurası müessise ve teşkilâtlarnıñ reberlerine 2015 senesi iş künlerini cuma künü yanvar 2-den – cumaertesi künü yanvar 17-ne, cumaaqşamı künü yanvar 8-den – cumaertesi künü yanvar 31-ne, cuma künü yanvar 9-dan – cumaertesi künü fevral 14-ne keçirmege tevsiye ete.

Vesiqağa binaen, banklarnıñ mahsus iş planını Milliy bank belgiley.

Böyle etip, ukrainliler Yañı yıl bayramları 9 kün raatlanacaqlar.

Rusiye tarafından işğal etilgen Qırımda Yañı yıl tatili on bir kün sürecek – yanvar 1-den itibaren 11-ne qadar.

XS
SM
MD
LG