Link açıqlığı

Aksönov fikrini deñiştirdi: Qırımdaki narazılıq meydanlarınıñ bazı evlerini yıqmaycaqlar


Qırımnıñ öz başına ilân etilgen baş naziri Sergey Aksönov

Qırımnıñ öz başına ilân etilgen baş naziri Sergey Aksönov «samozahvatlarnıñ» resmiyleştirilmesine dair fikirini deñiştirdi. «15 minut» saytınıñ malümatına köre, salı künü, noyabr 11-de, Aksönov narazılıq meydanlarda qurulğan, bütün kommunikatsiyaları keçirilgen ve qanun boyunca işletilgen inşaatlar resmiyleştirile bilecegini ayttı.

Onıñ bildirgenine köre, «samozahvatlarnıñ» diger bir de bir inşaatları ya da topraq damartıları «iç bir sebepke baqmadan qanunlaştırılmaycaq».

«Qanunsız alda topraqnı zapt etken iç bir kimse onı elde etmeycek. Şimdiki alda olğan samozahvatlarnı bir kimse qanunlaştırmaycaq», – dep qayd etti Aksönov.

Onıñ aytqanına köre, bunıñnen bağlı qanun qabul etilgen soñ, qanunsız inşaatlar yıqtırılacaq.

Bundan evel Qırım «baş naziri» Qırımda zapt etilgen topraqlar ve anda qurulğan inşaatlar qanunlaştırılmaycaqlarını bildirgen edi.

İşğal etilgen Qırım akimiyeti 1452 gektarlıq 59 zapt etilgen topraq meydanını qayd etti.

XS
SM
MD
LG