Link açıqlığı

Saatnıñ esas haberi

Qırım «samooboronasına» Aqmescit yataqhanesini berdiler


İyün ayında Qırım «samooboronası» esasında meydanğa ketirilgen «halq askerleri» içün daa bir binanı ayırdılar – Aqmescitteki Sevastopolskaya soq.,76 adresi boyunca eski bir yataqhane.

Böyle bir qarar Qırım «ükümetiniñ» toplaşuvında noyabr 11-de tasdıqlandı.

Berilgen malümatqa köre, bundan evel bu bina şahsiy şirketlerge kira olaraq berilgen edi.

Sentâbr ayında Qırım «Nazirler şurası» «halq imayesine» Aqmescitteki Kirov soqağındaki iş yerini, İnge soqağında arbiy şeerçik ve Kezlev ve Canköydeki eki binanı berdi.

Qırım «halq imayesiniñ» vekilleri uquq qorçalayıcı teşkilâtlarnı qasevetlendire. Olarnıñ işğal etilgen Qırımda insanlarnıñ ğayıp olmasına alâqaları bar ola bile. İnsan aqları boyunca Avropa Şurasınıñ Komissarı Nils Muyjniyeks bildirdi ki, Qırımda «samooborona» vekillerini mesülietke çekip, yerli akimiyetni işbu taqımnıñ dağıtılmasına çağırmaq kerek.

XS
SM
MD
LG