Link açıqlığı

Ukraina prezidenti Petro Poroşenko memlekette cenkni toqtatıp, üçünci cian cenkine başlamağa yol bermemege istegenini bildirdi.

Bunı o Twitterde yazdı.

«96 yıl evelsi Birinci cian cenki yekünlendi. Men cenkni toqtatmağa isteyim. Birisine üçünci cian cenkini başlamağa imkân bermemege isteyim», – dep yazdı Poroşenko.

Devlet yolbaşçısı Facebook saifesinde qayd etkenine köre, Birinci cian cenki neticesinde dört imperiya dağıtıldı, aman-aman 10 million insan elâk oldı, ve aynı bu sayıda kişi yaralandı.

«Bugün Avropada «Ğalebe kününi» iç kimse qayd etmey – yalıñız zararlarnı sayıp çıqalar. Cenkte ğalebe qazanğan ve yutturğan olmay, cenkte yalıñız sağ qalğanlar ola. Em de eki taraftan», – dep qayd etti Poroşenko.

Onıñ zanınca, insanlarnıñ barışıq yarışları ve raqipliginiñ müimligini añlamaq içün eki cian cenki yeterlidir.

«Al-azırda bizler şarqta Ukrainanıñ topraq bütünligini imaye etemiz, ve er daim ana toprağımıznı ve mustaqillik ve inkişaf aqqımıznı qoruycaqmız. Lâkin men barışıq neticeler olacağına inanam ve Ukrainada barışıq ayat olması içün elimden kelgeni qadar yapmağa mecburım», – dedi prezident.

Bu sene aprel ayında Ukraina akimiyeti Ukraina şarqında Rusiyege qol tutqan boyeviklerge qarşı terrorizmge qarşı tedbirlerge başladı. Sentâbrde ilân etilgen barışıqqa baqmadan, Donbasstaki vaziyet deñişmey qala.

Noyabr 4-te Ukraina tışqı işler nazirligi ateş toqtatılğan soñ bile Donbassta 100 ukrain arbiyi elâk oldı, tahminen 600 kişi yaralandı.

XS
SM
MD
LG