Qırım «ükümeti» sentâbr 28-de Aqmescitte omrağan aylanma yolunda yüz bergen facianıñ ilk neticelerini aydınlattı. Olarğa köre, maşina yolu ve tonnel leyhasında ciddiy hatalar tapıldı.
Bunı Qırım «ükümetiniñ» matbuat hızmeti bildire.
İleride yolnıñ topraq örtüsi ve fizik-mehanik imkânları ögrenilecek.
Bundan soñra komissiya yol eşilüviniñ soñki neticelerini belgilep olur.
Sentâbr 28-de Aqmescitniñ aylanma yolu omradı. 8 kişi olğan «Jiguli» maşinası çuqurğa tüşti. Altı insan elâk oldı, şu cümleden eki bala.
