Link açıqlığı

Saatnıñ esas haberi

Qırımlılar dekabr 31 künü raatlıq körmeycekler


Kremlde Yılbaş naratı, 1973 senesi
Kremlde Yılbaş naratı, 1973 senesi

Qırımda dekabr 31-de tatil olmaycaq: Rusiye Devlet dumasınıñ profil komiteti dekabrniñ soñki kününi tatil olaraq ilân etmekni red etti. «Eho Moskvı» bergen malümatına köre, komitet yolbaşçısı Andrey İsayev LDPR deputatlarınıñ ğayesini muvafaqiyetsiz dep adladı.

Onıñ qayd etkenine köre, bayram taqvimi bir qaç kere muzakere etildi ve deñiştirilmeycek.

Rusiye Devlet dumasınıñ deputatı qayd etti ki, yılbaş arfesi iş künü bir çoq teşkilâtta öyle de qısqartılacaq.

«Adamlar biri-birini tebriklep, evge qayta bileler. Bayramğa azırlıq körmek içün vaqıtları yeterlidir», – dep tüşüne İsayev.

LDPR deputatları Rusiye Devlet dumasına qanun leyhasını kirsetip, tatilni yanvar 8-den dekabr 31-ne keçirmege teklif ettiler. Deputatlarnıñ zanınca, bayram arfesi iş semereligi pek alçaqtır.

Rusiyelilerniñ yılbaş tatili on bir kün sürecek – yanvar 1-den itibaren 11-ne qadar.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG