Link açıqlığı

Saatnıñ esas haberi

Matbuat vastaları: Qırım rayon delvet memuriyetleriniñ hadimlerine aylıqlarnı bermeyler


İşğal etilgen Qırımda yerli matbuat vastaları 14 qırım rayon devlet memuriyetiniñ hadimlerine aylıqlarnıñ berilmemesi aqqında haber eteler. Bunı «Krımskiy Telegraf» agentligi bildire.

«Rayon devlet memuriyetiniñ hadimleri oktâbrniñ soñuna qadar keçken ay içün aylıqnı almaq kerek ediler, amma alâ daa almadılar. Olarnıñ aytqanına köre, evelden avansnı aynıñ 15-de bere ediler, qalğan aylıqnı ise – 30-31-de. Hadimler şunı qayd eteler ki, Qırım maliye nazirliginde bu mesele aqqında bileler, amma yardım etip olamaylar, para olmağanını bildireler»,– dep yaza neşir.

Neşirde şunı bildirdiler ki, qırım «nazirliginde» bu malümatnı red ettiler, amma tasdiqlamadılar da. Memurlarnıñ aytqanı kibi, vaziyetni ögrenmek içün qırım «nazirler şurası»na muracaat etmek, ya da «nazirlik»ke resmiy bildirüvni yollamaq kerek.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG