Ukrainada noyabr 9-na 455 175 köçip kelgen insan qayd etildi, – dep bildirdi noyabr 10 künü fevqulâde işler boyunca Devlet hızmetiniñ reisi Sergiy Boçkovskiy.
Onıñ sözlerine köre, işğal etilgen Qırımdan diger regionlarğa 19221 insan, ATO zonasından – 435954 insan köçti.
Onıñ sözlerine köre, soñki künleri Fevqulâde vaziyetler boyunca Ukraina devlet hızmeti mecburen köçip kelgenler sayısınıñ artmasını qayd etmegen edi eken.
Ukraina, Moldova, Aqrusiye qaçaqlarınıñ işleri boyunca BMT Yuqarı komissar İdaresiniñ malümatına köre, oktâbr 30-na Ukrainada 442219 köçip kelgen insan qayd etilgen edi.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
