Felemenkte, noyabr 10 künü, Ukraian şarqında tüşürilgen Malayziya uçağınıñ qurbanlarını añalar. Memlekette devlet bayraqları endirildi, dep haber ete Azatlıq Radiosı.
Bir buçuq biñden ziyade insan – elâk olğanlarnıñ tuvğanları Amsterdamda RAI sergi merkezinde toplandı. Tedbirde Felemenkniñ qıralı Villem Aleksandr, onıñ apayı, qıraliçe Maksima ve baş nazir Mark Rütte de iştirak ettiler.
Merasim devamında felâket qurbanlarınıñ adları oquldı, olarnıñ arasında 190-dan ziyade insan – Felemenk vatandaşı.
Mark Rütte tedbirniñ başlanmasından evel NOS kanalına qurbanlarnıñ tuvğanlarına olar yalıñız olmağanını köstermege imkânları peyda olğanı aqqında bildirdi.
Amsterdam-Kuala-Lumur marşrutı boyunca uçqan Malaysia Airlines aviaşirketiniñ «Boing 777» uçağı iyül 17 künü separatistler tarafından tüşürildi. Rusiye «Boing»niñ felâketine öz alâqasını red ete ve şu faciada ukrain arbiylerni qabaatlay.
Donetsk civarında yüz bergen felâkette 298 insan elâk oldı. Bugünki künge 289 qurbannıñ şahısı belgilendi.
