Noyabr 9-na Ukrainada vaqtınca köçip kelgen 455 175 insan qayd etildi. İşğal etilgen Qırımdan diger regionlarğa 19221 insan, ATO zonasından – 435954 insan köçti.
Bunı Kiyevde brifing devamında Fevqulâde vaziyetler boyunca Ukraina devlet hızmetiniñ reisi Sergiy Boçkovskiy bildirdi.
Onıñ sözlerine köre, soñki künleri Fevqulâde vaziyetler boyunca Ukraina devlet hızmeti mecburen köçip kelgenler sayısınıñ artmasını qayd etmegen edi eken.
Ukraina, Moldova, Aqrusiye qaçaqlarınıñ işleri boyunca BMT Yuqarı komissar İdaresiniñ malümatına köre, oktâbr 30-na Ukrainada 442219 köçip kelgen insan qayd etilgen edi.
Oktâbr 20 künü Yuqarı Şura «Köçip kelgen insanlarnıñ aq ve serbestliginiñ teminlevi aqqında» qanunnı qabul etti, işbu vesiqa şimdi Ukraina prezidenti Petro Poroşenkonıñ imazalanuvındadır.
