Link açıqlığı

Ukraina Yuqarı Şurasınıñ reisi Оleksandr Turçinov küçlü mudafaa tertibatınıñ ve ordunıñ teşkil etilmesi işğal etilgen Qırımnı qaytarmağa yardım etecegini tüşüne.

Bunı Turçinov TSN programmasında bildirdi.

«Ögümizge böyle vazifelerni qoyacaq olsaq, tek o vaqıt memleketniñ şarqını azat etermiz, em de Qırımnı qaytarıp olurmız», – dedi o.

Turçinov parlament bloktan tış statusından vazgeçüv aqqında muayyen bir qarar almaq kerekligi aqqında ayttı.

«Avropa ve Avropaatlantik birleşmesinden başqa bir yolumız yoq. Yalıñız medeniy memleketlerniñ birleşmesi, şu cümleden Yuqarı Şura da mudafaa pekitmesiniñ qanuniy teminlevini devam etmek ve bloktan tış statusından vazgeçüv aqqında malüm bir qarar almaq kerektir», – dedi o.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG