Link açıqlığı

Türkiye, gizli şekilde, qırımtatarlarnıñ yarımadadaki yaşayış seviyesine qıymet kesecek ola


Türkiye Qırım tamır halqınıñ yaşayış şaraitlerini ögrenmek maqsadı ile yarımadağa resmiy olmağan eyyetni yollay bilecek.

Bunı noyabr 10 künü Kiyevde jurnalistlerge Türkiye çetel işler naziri Mevlüt Çavuşoğlu bildirdi.

«Kün tertibinde Qırım yerli ealiniñ yaşayışına qıymet kesmek içün resmiy olmağan eyyetniñ yollanması tura», – dedi o.

Onıñ sözlerine köre, qırımtatarlarğa ve diger ealige yardım etmek içün Diniy meselelerniñ inkişafı ve idaresi boyunca türk agentliginiñ celp etilmesi de muzakere etilmekte.

Nazir şunı da qayd etti ki, Türkiye Qırım işğalini tanımay ve iç bir vaqıt tanımaycaq. İleride de Ukraina topraq bütünligine qol tutacaqtır.

İşğal etilgen Qırımda ayırım ve repressiyalar aqqında ukrain ve halqara uquq qoruyıcı teşkilâtlar ep aytmaqta. Ukraina çetel işler nazirliginde bu vaziyetni «ekinci sürgünlik» olaraq adladılar. Mında eminler ki, Qırımda repressiyalarnıñ ögüni almaq vazifede yalıñız halqara toplulığı yardımcı ola bile.

Ukraina çetel işler naziri Pavlo Klimkin noyabr 7 künü ukrain telekanalınıñ efirinde halqara mahkemelerge Qırımda insan aqlarınıñ bozuluvı boyunca davalarnıñ azırlanması aqqında tarif etken edi.

XS
SM
MD
LG