Çehiyanıñ paytahtı Praga şeerinde uquq qorçalayıcı, Ukraina halq vekili, qırımtatarlarnıñ milliy lideri Mustafa Cemilevniñ resimi ile tablolar peyda oldı.
Bunı Novoye vremâ neşiri bildire.
Neşirniñ malümatına köre, beş olardan birisi, elektron şekilinde Praganıñ eñ körümli yerlerinde buluna.
Cemilevniñ süreti yanında, onıñ sözleri berile.
«1968 senesi sovet orduları Çehoslovakiyanı işğal etkeni içün meni üç yılğa apis ettiler. Çehiya prezidenti ise, meni Qırımnıñ işğalinen razı olmamnı çağıra», – dep aytıla bilbordta.
Sentâbr ayında Çehiya prezidenti Miloş Zeman dünya ve Ukrainanı «Qırım Rusiyege qoşulğanı» ile razı olmağa çağırdı. Onıñ fikirince, «bütün yapılğan deklaratsiyalarğa baqmadan, yaqın kelecekte yarımada Ukrainağa qaytarılmaycaq».
Mart 16 künü 2014 senesi Qırım ve Aqyarda yarımada statusınen bağlı referendum ötkerildi, onıñ neticelerine binaen, Rusiye Qırımnı öz terkibine qoştı. Ukraina, Avropa birligi, AQŞ bu rey berüvni tanımadılar ve Rusiye Qırımnı işğal etti, dep belleyler.
