Link açıqlığı

Noyabr 12-de Kiyevde Taras Şevçenko adına Milliy universitetinde «İsmail Gasprinskiy – qırımtatar halqınıñ ulu oğlu» mevzusında halqara konferentsiya ötkerilecek. Qırımtatarlarnıñ Kiyev cemiyeti semetdeşlerini davet ete.

Tedbir teşkilâtçıları Türkiye Cumhuriyeti Elçihanesiniñ qol tutuvı ile NAN Ukrainı A.Y.Krımskiy adına Şarqşınaslıq institutı ve Türk işbirligi ve koordinatsion agentligi (TİKA) olalar.

Tedbirde Ukraina ve Türkiyeniñ meşur alimleri çıqışta bulunacaq, İsmail Gasprinskiy aqqında vesiqalı film kösterilecek.

Davetli musafirler arasında qırımtatarlarnıñ milliy lideri Mustafa Cemilev, Qırımtatar Milliy Meclis reisi Refat Çubarov, Ukraina tasil naziri Serğiy Kvit ve bir çoq halqara siyaset erbabı mevcut.

İsmail Gasprinskiy – qırımtatar maarifçisi, yazıcı, oca, medeniyet ve cemaat-siyaset erbabıdır. O, qırımtatarlar arasında zemaneviy ğayelerniñ teşviqatçısı olaraq belli edi.

XS
SM
MD
LG