Link açıqlığı

Kiyevde işğalniñ qırımtatarlarnıñ medeniyetine olğan tesiri aqqında filmni taqdim etecekler


Noyabr 8-de saat 18:00 Kiyevde Tasil ve medeniyet Evinde «Master Klass» keçirilecek ve «Krım Vnutri» az metrajlı vesiqalı filmniñ taqdim merasimi ötkerilecek.

Film taqdimi «KrımSOS» cemaat teşkilâtınıñ qol tutuvı ile keçirile.

«Film süjeti – 2014 senesi mart vaqialarından soñ evni terk etmege mecbur olğan Qırım ressamınıñ ikâyesidir. Qırım baari, deñiz tadı, qırımtatar keramikasınıñ sesi – film Qırımnı is etmek sanatına ögrete», – aytıla teşkilâtçılarnıñ beyanatında.

Filmde ukrain çalğıcıları Fima Çupahin, Elvira Sarıhalil ve «Zira» Odessa gruppası yazğan saundtrek qullanıla.

Teşkilâtçılarnıñ malümatına köre, bundan ğayrı film muzakere etilecek, saundtrek taqdim etilecek ve filmniñ baş qaramanı olğan Rustem Skibinniñ sergisi ötkerilecek.

«Qırımtatar medeniyeti bütün dünyanıñ variyetidir, hususan – Ukrainanıñ. «Krım Vnutri» filmi medeniyetimizge olğan telükeni qayd etüvdir. Adamlar bunı bilmeli, bunı unutmamalı, em de buña qol tutmalılar – bizim içün bu pek müimdir», – dep tekrarlay Rustem Skibinniñ aytqanlarını Moy Kiyev.

Doğma Qırımlı olğan kinolenta müellifi Olga Morkova onıñ işi köçip kelgenlerge yardım etmekten ibaret olğanını qayd etti.

Film rusça olacaq, lâkin inglizce altâzısı bar.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG