Link açıqlığı

Yaqın şarq tedqiqler Merkeziniñ müdiri İgor Semivolosnıñ zanınca, işgal etilgen Qırım meselesi unutılmay, çünki bütün diqqatnı celp etken Donbassnıñ adise-vaqiaları yarımada içün küreşniñ bir qısmı ola.

Bunı o, Qırım.Aqiqat saytına bildirdi.

«Cenk Qırımda başlandı ve Qırımda bitecek. Şimdi arbiy areketler yarımadadan tış keçe, lâkin olar dos-doğru Qırım cenkinen bağlı. Bu sebepten Qırımnı unuttılar kibi körüne. Lâkin asılında onı iç kimse unutmadı», – dedi ekspert.

Aynı vaqıtta Semivolos Ukraina akimiyetiniñ malümat ve qanun çıqarıcı siyaseti yalıñız Donbass zıddiyetini çezüv meselesinen sıñırlanmamaq kerek, ve Qırım aqqında sıq-sıq aytmaq kerek fikirinen razı.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG