Baarden itibaren Qırımğa kelmek ya da yarımadadan maşinanen çıqmaq zor oldı. İşğalciler blok-postlarnı qurdılar, soñra ise yerli sıñır kiriş noqtalarını donattılar.
Eskiden yük maşinası Kiyevden Qırımğa malnı ketirmek içün 10-12 saat sarf ete edi, şimdi bu vaqıtnı yalıñız sıñırda keçire bilesiñ.
İşğal etilgen yarımadağa bir vaqıtları o qadar qısqa olğan, amma şimdi o qadar çoq sürgen yolnı Qırım.Aqiqat mühbirleri ögrendiler.
Kirmek ve çıqmaq içün yanıñızda angi vesiqalar olacaq ve işğal etilgen Qırımdan qıtaiy Ukrainağa kirip olamağan Ukraina vatandaşı ne yapmalı? – «24» haber telekanalında «Qırım.Aqiqat» yayınınıñ yañı levhasında.
Studiya musafirleri – Qırımdan mecburen köçip kelgenlerniñ Koordinatsion şura azası Sergey Mokrenük ve OO «İnsan aqları regional merkeziniñ» eksperti Yuriy Martınovskiy.
Yayınnıñ alıp barıcısı – Qırım jurnalisti Aleksandr Yankovskiy.
Programma cumaertesi künü saat 18:30 (Aqmescit vaqtı boyunca saat 19:30) ve bazar künü saat 11:30 (Aqmescit vaqtı boyunca saat 12:30) efirge çıqa.
Azatlıq Radiosı ve Qırım.Aqiqat saytlarında ise saat 18:30 (Aqmescit vaqtı boyunca saat 19:30) peyda olacaq.
Azatlıq Radiosınıñ yañı leyhası – işğal etilgen Qırım vaziyetini bilmege istegen insanlar içün azırlandı.
