Ukraina Yuqarı Radasınıñ nevbetten tış saylavlarında Arseniy Yatsenükniñ «Narodnıy front» firqası reylerniñ 22,14% qazandı, «Petro Poroşenkonıñ Bloku» firqası 21,81% aldı, Andrey Sadovoynıñ «Samopomiç» firqası 10,97%, «Muhalifet bloku» 9,43%, Oleg Lâşkonıñ Radikal firqası 7,44%, Yuliya Timoşenkonıñ «Batkivşçına» firqası ise 5,68% qazandı.
Bunı Merkeziy saylav komissiyasınıñ saytında derc etilgen malümat tasdıqlay.
Oleg Tâgniboknıñ «Svoboda» Bütünukrain birleşmesi reylerniñ 4,71% qazanıp, diger beş firqanen beraber beş fayızlı baryerni keçip olamadı.
Merkeziy saylav komissiyası majoritar bölgelerde de reylerni sayıp çıqtı.
Ukraina Yuqarı Radasınıñ nevbetten tış saylavları oktâbr 26-da olıp keçti.
