Link açıqlığı

Saatnıñ esas haberi

Qırım hastahanelerniñ yolbaşçılarını tenderlerniñ uzattıruvı sebebinden cezalaycaqlar


Qırım tibbiy müessiselerniñ yolbaşçıları devlet satın aluv ketişatını añlamağanı sebebinden hastahanelerni vaqtında kerekli ilâclar ile temin etip olamaylar.

Bunı Qırımnıñ «baş nazir muavini» Alla Paşkunova bildirdi, dep haber ete Nazirler Şurasınıñ haber siyaset idaresi.

Onıñ sözlerine köre, bu sebepten qırımlılarğa bedava tibbiy yardım da kösterilmey.

«Teşkerüv neticesinde tibbiy müessise yolbaşçıları satın aluv ketişatını añlamağanı malüm oldı. Ğaliba, Sağlıq saqlav Nazirligi añlatuv işini kerek olğanı kibi becermey. Vaziyet deñişmese, memuriy tesir qararları alınacaq. Qırım ükümeti ögünde qırımlılarğa vaqtında bedava tibbiy hızmetlerni köstermek kibi vazife tura»,– dedi Paşkunova.

Bunıñ ile, o, qırımlılar hastahanelerde tibbiy yardımnı bedava körip olamay.

«Bizim ile qonuşqan hastalar ilâclarnı hastahane esabına alğanlarını tasdiqladılar. Yani, öz vastalarına olar bir şey almaylar.Tamir işleri aqqında aytacaq olsaq, aracılar olarnı olduqça faal sürette keçirmey. Biz buña yerli akimiyetniñ diqqatını celp etermiz ve vaziyet deñişir», – haber ete «baş nazir muavini».

XS
SM
MD
LG