Link açıqlığı

«Krım» delvet teleradiokompaniya yolbaşçılığı hadimleri içün qırımtatar tili kurslarını teşkil etti.

Bunı «Argumentı nedeli – Krım» neşirine GTRK baş müdiri Yekaterina Kozır bildirdi.

Onıñ sözlerine köre, tilni tek jurnalist ve mühbirler degil de, tehnikiy bölüklerniñ hadimleri, aydavcı, muasip ve diger istegenler ögrene bilecek.

«Bu qomşulıq qaidelerine bağlı. Bir halqmız – qırımlılar, ve yanımızda yaşağan halqnıñ, yani qırımtatarlarnıñ tilini añlamaq ve şu tilde laf etmek isteymiz. Tilni ögrenmege istegenlerniñ sayısı ep arta»,– dey Kozır.

O şunı da qayd etti ki, qırımtatar tiliniñ ögrenüv ketişatı büyük bir leyhağa çevirile bile eken.

«İcadiy insanlarmız, şunıñ içün yañı radio ya da teleleyhanıñ peyda olması da mümkündir. Tilniñ ögrenüv ketişatınıñ aydınlatuvı kibi bir şey olmaz – bizde oca, sınıf, tahta, raleler bar, amma leyha meraqlı olacaqtır», – dey GTRK müdiri.

XS
SM
MD
LG