Link açıqlığı

Ukraina Havfsızlıq Hızmeti Qırım Muhtar Cumhuriyetinde 471 hadimni işten boşattı, bunı noyabr 7 künü Kiyevde keçirilgen brifing devamında SBU reisiniñ matbuat kâtibi Оlena Gitlânska bildirdi, haber ete RBK-Ukraina.

«Arbiy antından vazgçeken Qırım Muhtar Cumhuriyetinde ve Aqyarda Ukraina Havfsızlıq Hızmetiniñ Baş idaresiniñ 471 hadimi arbiy esaptan çıqarıldı ve işten boşatıldı», – dedi o.

Bundan da ğayrı, SBU bergen malümatqa köre, arbiy saada qanunlarğa riayet etüv boyunca prokuratura Ukraina Cinaiy Kodeksiniñ 408 maddesi birinci qısmına köre (dezertrirlik) Donetsk vilâyetinde SBU idaresiniñ hadimlerine nibseten de 10 cinaiy iş açtı.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG