Aqyarnıñ Appelâtsion mahkemesi yerli cemaat faali Viktor Neganovğa şeerde Ukraina Mutsaqilligi Künü munasebeti ile teşkil etken mitingi sebebinden 30 biñ ruble para cezasını belgiledi.
Bunı Qırım.Aqiqat saytına Neganovnıñ özü bildirdi.
Bu kibi qararnı mahkemeci Yevgeniy Solovyev aldı.
Belli olğanı kibi, evelden Neganovdan para cezasını almaq qararnı Aqyarnıñ Gagarin rayon mahkemesi qabul etken edi. Bu cezanı cemaat faali dostları ile Ukraina Mustaqilligi Kününde Aqyarda Sagaydaçnıy abidesi yanında ukrain bayraqları ile turğanı sebebinden belgilediler.
Neganov aytqanı kibi, o, insan aqları boyunca Avropa mahkemesine muracaat etecek ola. Onıñ fikrine köre, Rusiyeniñ uquq qorçalayıcı organları bunı «ukrain Aqyarda onıñ faaliyetini toqtatmaq içün» yapmaqtalar.
