Qırımnıñ cenübinde noyabr 6-na keçer gecesi Yusupovlar sarayından 6 resimni hırsızladılar.
Bunı Qırım içki işler nazirliginiñ matbuat hızmeti bildire.
«Yaltada uquq qorçalayıcılar maşinada hırsızlanğan mülkni çıqarmağa azırlanğan dört qırımlını yaqaladı. Maşinada altı resim tapıldı», – denile bildirüvde.
Yaqalanğanlardan üçü bu kibi areketler sebebinden evelden de cinaiy mesülietke çekilgen edi, deyler içki işler nazirliginde.
Olğan malümatqа köre, hırsızlar müzeyge, qapunı qırıp, kirdiler. Hırsızlanğan resimlerni örtüge sarıp, qaçtılar. Diger mülkke tiymediler. Yaqalanğanlarnıñ aytqanı kibi, resimler olarnıñ ihtisaslaşması ola.
Şimdi uquq qorçalayıcılar resimlerniñ fiyatını belgiley ve olarnıñ satılacaq yollarını ögrenmege tırışalar.
Yusupovlar sarayından resimlerniñ hırsızlanuvı boyunca RF CK 158 maddesiniñ 3 qısmına köre (hırsızlıq) cinaiy iş açıldı.
