Saba, noyabr 7-de, Novorossiysk limanında 101 yük maşinası, Keriç deñiz ticariy limanında 200 yük maşinası nevbette tura.
Bunı Yekâne naqliyat müdirliginiñ matbuat hızmeti bildire.
«Al-azırda Keriç keçiti adiy rejimi boyunca çalışa. Ava güzel, yel küçlü degil. «Krım», «İonas» ve «Olimpiada» paromları yüre. «Yeysk» ve «Kerçenskiy 2» «Kavkaz» – «Keriç deñiz limanı» marşrutı boyunca yüreler, – deyler müdirlikte.
Soñki malümatqa köre, «Kavkaz» limanında saba 20 yengil maşina, «Krım» limanında – 10 maşina tura edi.
Keçken kün devamında 7200 yolcu ve tahminen 2000 naqliyat vastası avuştırıldı.
