Kelecek sene acılıqqa barmağa isetegen Rusiye seyyaları elektron çip ile yañı şekil pasportlarnı elde etmeseler, Saudiy Arabistanğa ketip olamazlar, dep bildirdi Rusiye Federatsiya Şurasınıñ reis muavini, acılıq işleri boyunca vekâletli İlya Umahanov.
«Kelecek sene eski şekil pasportlar qabul etilmeycek… Bu Saudiy Arabistannıñ bir talabı olağanı aqqında söz yürsetecek olsaq, oña, ğaliba, diqqat ayırmalımız, çünki bu bizim menfaatımızdadır», – dep bildire Umahanovnıñ sözlerini RİA Novosti.
Mekkege acılıq – Allahu Taalâğa yapılğan hususiy bir ibadettir, islâmnıñ beş şartlarında biridir. Ayatta bir kere acılıqqa barmaq – er musulmannıñ borcudır.
Bu sene Mekkege işğal etilgen Qırımnıñ 150 musulmanı barıp keldi.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
