Link açıqlığı

«Ukrzaliznıtsâ» Qırım trenlerini lâğu etmeycek. Bunı ukrain hızmeti Qırım.Aqiqat saytınıñ malümat muracaatına cevap olaraq bildirdi.

Berilgen malümatqa köre, sentâbr 1-den itibaren oktâbr 27-ne qadar Kiyevden Aqmescitke ve keri qaytqan yolcularnıñ sayısı 65% ve 66% eksildi, Donetsk-Qırım ve keri – 88% ve 83%, Lvov – 83% ve 86%, Odessa – 46% ve 44%, Dnepropetrovsk – 46% ve 38%, Harkov – 50% ve 46%, Moskva – 97% ve 97%.

Bugünde-bugün Qırım ve qıtaiy Ukraina arasında aşağıdaki trenler yüre:

№ 11/12 Kiyev – Aqmescit;

№ 27/28 Kiyev – Aqyar;

№ 131/132 Hmelnitskiy – Aqmescit;

№ 85/86 Lvov – Aqmescit;

№ 87/88 Kövel – Aqmescit;

№ 309/310 Odessa –Aqmescit;

№ 81/82 Harkov – Aqmescit;

№ 82/92 Kremençug/Poltava – Aqmescit (vagonlar taqımı);

№ 99/100 Sumı – Aqmescit (vagonlar taqımı);

№ 89/90 Dnepropetrovsk – Aqmescit;

№ 90/144 Krivoy-Rog – Aqmescit (vagonlar taqımı);

№ 47/48 Donetsk – Aqyar.

Malüm ki, Qırım demir yolu «Ukrzaliznıtsâ» şirketine qoşma bergiler aqqında haber etti. Lâkin «Ukrzaliznıtsâ» reberligi bunıñ içün bir de bir sebep körmey.

XS
SM
MD
LG