Link açıqlığı

Qırımtatar halqınıñ milliy lideri Mustafa Cemilev Pussy Riot iştirakçisi Nadejda Tolokonnikova içün apishanede ilhamcı oldı. Bunı Tolokonnikova keçken seneniñ Halq birligi kününi hatırlap, Facebook saifesinde yazdı.

«Bir yıl evelsi men qırımtatarlarnıñ Qırımğa qaytması içün küreşken Mustafa Cemilevniñ küçünden ilham alıp, apishanede açlıq tutqan edim. Kendi halqını Vatanğa qaytarmaq istegeni içün o, sovetlerniñ apishanelerinde oturdı, 10 aylıq açlıqqa dayandı ve 10 ay zorlap aşatıldı. Bir yıl evelsi men Cemilevniñ cesürligi fikirlerinen yaşadım», – dep yazdı Pussy Riot iştirakçisi.

«Bu sene men – apiste degilim, lâkin noyabr ayı kene de quvançlı degil. Sovetler akimiyetinden kendine ait olğanını qazanğan Cemilevni kene de Qırımğa kirsetmeyler. Onıñ aytqanları basılğan kitaplarnı Qırım tükânlarından alına», – dep yaza Nadejda ve qırımtatarlarnıñ sürgünligi aqqında «Haytarma» filmini seyir etmege tevsiye ete.

2013 senesi sentâbr ayında Nadejda Tolokonnikova – Pussy Riot taqımınıñ 23 yaşında iştirakçisi ortodokslarnıñ «duyğularını aqaretlegeni içün» eki yılğa azatlıqtan marum etilip, açlıqnı ilân etti. O, Mordoviyadaki İK-14 qadınlar içün terbiye-emek koloniyasınıñ şaraitleri ve mahküm qadınlarnı çalışmağa mecbur etkenlerine qarşı narazılıq kösterdi.

2014 senesi baarde qırımtatarlarnıñ milliy lideri Mustafa Cemilevge Rusiye tarafından işğal etilgen Qırımğa kelmege yasaq ettiler.

XS
SM
MD
LG