Link açıqlığı

Men Qırım küzini baarinden daa ziyade begenem. Bu sene ise mıtlaq bu mevsimge sevinem: baar ve yaznı kelip-keçkenini duymadıq, küz ise, er daim olğanı kibi quvandıra.

2014 senesiniñ baari suvuq yeller, közyaşlar, qorqu ve küçsizlik ile aqılımda qaldı. Ve daa bir şey, yolda tizilip, süt, yeşillik, sebzelerni satqan apaylarnı hatırlayım, olarnıñ arasında bir qırımtatar qadını biraz çetçikte tura edi. O, özüni qolaysız duyğanı is etile etile. Ondan sebze satın aldım, ve eiylikler tilep ketecek oldım. O apansızdan ağlap yiberdi.

Mart 8 kününi de hatırlayım, Kezlevden çıqış yoluda qadınlar qollarına tablo, sarı-mavı tüste puska ve şiarlarnen yol boyu tizildiler. Soñra yanlarına erkekler yaqınlaştılar, qadınlarğa qaranfil çeçeklerni bağışladılar.

Bu aktsiyanıñ iştirakçileri esasen qırımtatar qadınları ediler.

Mart 9 künü Taras Şevçenkonıñ doğğan künü munasebetinen keçirilgen mitingde de ekseriyetnen qırımtatarlar iştirak ettiler.

Onıñ içün qırımtatarlarnı öpkelep, ne içün narazılıqnı köstermediñiz kibi fikirlerni eşitsem, olarnıñ yanında kimler bar edi, dep hatırlayım. Ukrainliler ya da ruslar? Ya da qırımtatarlarnıñ özleri?

Soqaqta ketkende, mavı qısqa yeñli kölmeginde tamğası körüngen yigitni rast kelem. Onıñ urbasını pek begengenimni ve oña kelişkenini aytam. İşançsızlıqnen baqa, amma teşekkürler bildire.

Soqaqta qırımtatar toy maşinaları keçip keteler, üstlerinde tamğalı bayraqlar yelpirey. Dostumnen olarğa el sallaymız, cevap olaraq signal bereler.

Avtobustan çıqqanda, qırımtatar aydavcığa «sağ ol!» deyim, o da maña külümsirep baqa.

Maña, Qırımda milletlerara davalar aqqında beyan etmege kerek degil. Men, kimi dost, kimi duşman, kimi pervasız adam olğanını yahşı bilem.

Tatyana Deyko, Qırım sakini, bloger

«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün

XS
SM
MD
LG