Qırım siyasetçisi, sabıq Ukraina halq deputatı Lev Mirimskiy Qırımnıñ Ukrainağa keri qaytarılmasınıñ yollarını körmey. Bu aqqında o hubs saifesinde yazdı.
«Doğrusını aytqanda, Ukraina Qırımnı nasıl etip qaytara bilecegini tasavvur etip olamayım. Bunı nasıl etip yapmaq mümkün olğanını da bilmeyim», – dep yazdı o.
Mirimskiy işğal etilgen Qırımda keçici müddetniñ problemlerini qayd ete – naqliyat, aşayt mahsulatı ve suv qıtlığı, em de ileride yarımadada elektrik energiyasınen bağlı olacaq problemlerni tahmin ete.
Siyasetçiniñ fikirince, bu problemlerden qurtulmaq içün Qırım vaqıt ve parağa muhtac.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
