Link açıqlığı

Provayderlerni qıtaiy Ukrainada ATR qırımtatar telekanalınıñ yayınlarını köstermege çağırdılar


Ukraina televideniye ve radio yayınları milliy şurası provayderlerni ATR yekâne qırımtatar telekanalınıñ retranslâtsiyasını yapmağa çağırdı.

Çarşenbe künü, noyabr 5-te, Milliy şura saytında berilgen malümatqa köre, Rusiye Federatsiyasınıñ Qırım işğali sebebinden qıtaiy Ukrainanıñ ealisi yarımadada olıp keçken adise-vaqialar aqqında tolu malümat alamay.

Milliy şura yayın hızmetiniñ provayderlerine muracaatta bulunıp, ağlarda retranslâtsiyası yapılğan yayınlar cedveline yerli ATR qırımtatar telekanalınıñ kirsetilmesini rica etti.

«Böylece, ukrain cemaatı Rusiyeniñ informatsion-psihologik tesirine qarşılıq köstermek içün küçlerini birleştirip, Qırımdaki işler aqqında kerçek ve farqlı haberler alacaq», – aytıla beyanatta.

Milliy şura bergen malümatına köre, memleketniñ er angi region provayderlerine mezkür meselenen bağlı mektüp muracaatları yollanıldı.

2014 senesi mart 16-da Qırımda ve Aqyar şeerinde yarımada statusı aqqında «referendum» olıp keçti. Onıñ neticesinde Rusiye Qırımnı öz terkibine qabul etti. Ne Ukraina, ne Avropa Birligi, ne de Amerika Qoşma Ştatları işbu rey berüvni tanıp, Qırım Rusiye işğaliniñ altında olğanını aytalar.

XS
SM
MD
LG