İşğal etilgen Yaltada qızdıruv tertabatları olğan şirket ve teşkilâtlar mesken fondınıñ ve sağlıq saqlav idare obyektleriniñ qızdıruvına noyabr 6 kününden soñ başlaycaqlar.
Bu kibi avaleni noyabr 5 künü Yalta şeer «memuriyet başı» vazifelerini eda etken Andrey Rostenko bildirdi, – dep bildirdiler Yalta şeer şurasınıñ matbuat hızmetinde.
Evel qayd etilgeni kibi, işğal etilgen Qırımnıñ bir sıra mesken yerlerinde qızdıruv meselesi alâ daa çezilmedi. Qırım «Nazirler şurasına» bu sebepten şikâyetler kele. Qırım «Nazirler şurası»nıñ reis muavini Larisa Opanasük aytqanı kibi, şikâyetler Saq, Kezlev, Aqmescit, Yalta, Keriçten kele.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
