Link açıqlığı

Jenevada Lutkovskaya ve Çubarov Qırımda insan aq ve serbestliginiñ bozuluvı aqqında tarif etecekler


Ukraina Yuqarı Şurasınıñ insan aqları boyunca vekâletli Valeriya Lutkovskaya çarşenbe künü, noyabr 5-de, BMT insan aqları boyunca Yuqarı komissarınıñ Ofis temsilcileri ögünde Qırım ve Ukraina şarqında insan aqlarınıñ bozuluvı aqqında ariza ile çıqışta bulunacaq.

«Tedbir insan aqları boyunca vekâletli Valeriya Lutkovskayanıñ teşebbüsi ile ötkerile. O, bunı diplomatik eyyetlerine Ukrainada insan aqlarınıñ vaziyetini añlatmaq içün yapmağa teklif etti», – haber ete onıñ matubat hızmeti.

Valeriya Lutkovskayanıñ çıqışından soñ qırımtatar milliy Meclis reisi Refat Çubarovnıñ «İşğal etilgen Qırım Muhtar Cumhuriyetinde insan aqları ile bağlı vaziyet» arizası ile çıqışta bulunacaq. Bunıñ ile Harkov uquq qoruyıcı taqımınıñ vekili Gennadiy Tokarev «Ukraina Şarqınıñ ziddiyet territoriyalarında insan aqlarınıñ bozuluvı» aqqında arizası ile çıqışta bulunacaq.

Haber etilgeni kibi, Valeriya Lutkovskaya Ukraina ve Qırımda vatandaşlarğa nisbeten ayırım faktları aqqında tarif etecektir.

«Bunıñ ile insan aqları boyunca vekâletli Valeriya Lutkovskaya diplomatik eyyetlerniñ vekillerini Ukraina Şarqında Rusiye tarafdarları olğan qanunsız silâlı taqımları tarafından bala aqlarınıñ bozuluvı ve Rusiyege esirge alınğan balalarnıñ qaytaruvında Ombudsmen Ofisiniñ ğayreti aqqında añlatacaq», – dediler Valeriya Lutkovskayanıñ matbuat hızmetinde.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG