Link açıqlığı

Yaltada Stalin, Ruzvelt ve Çerçillge abideni qoyacaqlar


İşğal etilgen Qırımda, Livadiyada keçirilgen Yalta konferentsiyasınıñ 70 yıllığı munasebeti ile «Büyük üçlükke» Zurab Tsereteliniñ 10 tonlıq abideni tikleycekler. Bunı Qırım akimiyetiniñ «baş nazir muavini» Larisa Opanasük bildirdi.

«Tsereteli Livadiya sarayına büyük bir eykel – Ruzvelt, Stalin, Çerçill eykelini bağışlaycaqtır. Bedava bağışlay. Onı yalıñız ketirip tiklemege kerek», – dedi o.

TASS haber etkeni kibi, Opanasük Yalta konferentsiyasınıñ 70 yıllığına azırlınılğan 10 tonlıq eykel aqqında aytqanını bildirdi. Abideniñ turacaq yeri şimdilik belgisizdir.

«Livadiya sarayınıñ bağçasında tikleycekmiz, yerini saylaymız», – dedi o.

Tsareteliniñ ğayesine binayen, işbu eyyeklni Livadiyada Yalta konferentsiyasınıñ 60 yıllığına tiklemek kerеk ediler. Amma o vaqıt cemaatçılıq, «Stalin ukrainliler, qırımtatarlar ve diger halqlar içün terroristik cinaiy rejimini canlandırğan ve millionlarce insanlarnı yoq etken biri olğanını» bildirip, bu ğауege qarşı çıqtı.

Bundan soñra eykelni Volgogradda yerliştirmege isetegen ediler, amma vilâyet ve şeer akimiyeti añlaşıp olamadı, şunıñ içün eykel Tsereteli ustahanesinde qaldı.

XS
SM
MD
LG