Qıtaiy Ukraina yanında yerleşken daimiy qırım kiriş noqtalarında adabanlaştıruvğa Rusiye 2020 senesine qadar 6,9 mlrd rubleni ayıracaq ola.
Bunı noyabr 5 künü Rusiye sıñırınıñ başı Konstantin Busıgin jurnalistlerge bildirdi.
«Biz 2020 senesine qadar avtomobil kiriş noqtalarını quracaqmız. 2017-2020 seneleri demir yol punktlarını da qurarmız», – dedi Busıgin.
Memurnıñ aytqanı kibi, masraflar – «Armânsk», «Canköy» ve «Perekop» avtomobil, üç demir yol ve eki ava kiriş noqtalarınıñ, yani Aqmescit ve Balbek ava limanlardaki noqtalarnıñ qurucılığına ayırılacaq.
Onıñ sözlerine köre, işbu masraflar federal programmada belgilengen eken.
2020 senesinden soñ, Qırımda deñiz sıñır kiriş noqtalarınıñ rekonstruktsiyası planlaştırıla.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq tanıylar.
