Link açıqlığı

Poloniya çetel işler nazirligi Ğarbiy memleketlerni Qırım aqqında unutmamağa çağıra


Ğarbiy memleketler Rusiye bugün diqqattan ayırmağa istegen meseleni, yani işğal etilgen Qırım aqqında unutmamalı, dep tüşüne Poloniya çetel işler naziri Gjegoj Shetına.

Bunı o Gazeta Wyborcza neşirine bergen intervyüsinde bildirdi.

«Moskva muzakereler çerçivesinden Qırım meselesini çıqarmağa istey. Bugün içtimaiy fikirler Donbassqa bağlı, Qırım ise çettedir, bunıñ ile razı olmağa mümkün degil. AQŞ prezidenti Barak Obama sentâbr ayında BMT çıqışında yarımada aqqında bir şey aytmağanı da timsaliy bir şeydir», – dey Shetına.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq tanıylar.

XS
SM
MD
LG