Link açıqlığı

Qırım «Nazirler şurası» Aqmescitte Qırımnıñ üç tarihiy devirine abideni qoymağa teklif etti. Soñki devir – zemaneviy Qırımnı «nezaketli insanlar»ğa abide ile aydınlatmağa isteyler.

Bunı ye-Krım bildire.

Bu kibi teşebbüsi ile «Devlet Şurası» prezidiumnıñ toplaşuvında Qırımnıñ birinci «baş nazir muavini» Mihail Şeremet çıqışta bulundı.

«Biz Ageyev Viktor Nikolayeviç (Aqmescit şeer şurasıniñ reisi – muar.) Puşkin soqağınıñ tamir işleri vaqtında acayip abidelerni tiklemek ğayeni muzakere ettik. Halq imayesi arasında da eykelciler bar, olar öz qolları ile abidelerni yapmağa azırlar. Qırım cenki, Ulu Vatan cenki ve bugünki künlerimiz – «nezaketli insanlar». Şübesiz ki, anda «Qırım baari» vaqtında elâk olğan insan cedvelleri olacaq», – dedi o.

«Nezaketli insanlar» – böyleliknen yerli insanlar Rusiyege Qırımnıñ işğalini keçirmege yardım etken nişansız, qapalı yüzlü insanlarnı adladılar.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq tanıylar.

XS
SM
MD
LG