Ukraina prezidenti Petro Poroşenko Ukrainada terroristik tanılğan «DNR» ve «LNR» taqımlarınıñ iqtisadiy sıñırları ola bilecegini aydınlattı. Bunı o, salı künü, noyabr 4-te, RNBO toplaşuvı ögüne jurnalistlerge bildirdi, – dep haber ete Azatlıq Radiosı.
Poroşenkonıñ qayd etkenine köre, Ukraina terroristlerniñ nezareti altında qalğan mesken yerlerge berilgen gaz ve elektrik energiyası parasını almay.
Bundan ğayrı, onıñ aytqanına köre, RNBO toplaşuvınıñ neticesi blokpost nezaretleriniñ quvetleştirilmesi ola bile.
Prezidentniñ bundan evel bergen malümatına köre, RNBO toplaşuvında kelecek bir qaç aftalıq areketler planı belgilenecek. Aynı zamanda Poroşenko Ukraina barışıq planınıñ tarafdarı olğanını aytıp, ciddiy bir areketlerge başlamaq azır olğanını qayd etti.
