Link açıqlığı

Ukraina tışqı işler nazirligi Rusiyege qarşı cezalar quvetleştirilmesine qol tuta


Ukraina tışqı işler nazirliginiñ zanınca, Rusiye «DNR» ve «LNR» «saylavlarına» qol tutqan soñ Rusiyege qarşı halqara cezalar quvetleştirilmmeli. Bunı Ukraina MİD spikeri Yevğen Perebiynis salı künü, noyabr 4-te, brifingde bildirdi, – dep haber ete UNİAN.

Tışqı işler nazirliginiñ spikeri qayd etti ki, dünyanıñ iç bir medeniy memleketi ve halqara teşkilât bunıñ kibi saylavlarnı tanımaz.

«Cezalar meselesinde, mence, olarnı kirsetken devletler qarar almalı. Mence, eñ evelâ Amerika Qoşma Ştatları, «Sekiz eñ küçlü memleket» ve Avropa Birliginiñ memleketleri aqqında laf yürsetilmek kerek», – dedi o.

Malüm olğanı kibi, bazar künü, noyabr 2-de, «DNR» ve «LNR» silâlı taqımlarınıñ separatistleri qanunsız «saylavlarnı» keçirdiler. Bu adım sentâbr ayında Minskte tizilgen añlaşmalarğa zıt kele.

Kiyev, dünya toplulığınıñ meşur vekilleri, BMT baş kâtibinden başlap dünyanıñ eñ küçlü memleketlerniñ belli memurları ve diger ğarbiy siyasetçilerge qadar, «Minsk añlaşmalarını» bozğan «saylavlarnı» tanımağanlarını bildirgen ediler. Lâkin Moskva olarnı tanığanını ifadeledi.

XS
SM
MD
LG