Link açıqlığı

Saatnıñ esas haberi

Meclis raqipleri qırımtatar halqınıñ «Cemaat keñeşini» tesis ettiler


Qırımda yarımadanıñ Rusiye akimiyet tarafdarları olğan qırımtatar teşkilâtlarınıñ vekilleri qırımtatar halqınıñ «Cemaat keñeşini» meydanğa ketirdiler.

Krım Media saytınıñ malümatına köre, böyle bir qarar Aqmescitte qırımtatarlarnıñ cemaat-siyasiy küçler qurultayında qabul etildi. Tedbirde Qırımtatar Milliy Meclis muhalifeti olğan «Milliy Firqa» ve «Qırım birligi» taqımlarınıñ temsilcileri iştirak ettiler.

Cemaat keñeşiniñ erkânına cemaat teşkilâtlarınıñ 22 reberi kirdi.

«Cemaat keñeşi aqqında nizamname tasdıqlandı, oña köre, qırımtatar halqınıñ yañı qurultayı ötkerilmegenine qadar ve onıñ reberligi belgilenmegenine qadar Qırımtatar halqınıñ cemaat keñeşi qırımtatar cemaatçılığınıñ menfaatlarını temsil etecek, bildirecek ve qoruycaqtır», – dep bildire agentlik.

«Milliy firqa» cemaat teşkilâtınıñ reisi Enver Kantemir-Umerov bildirgenine köre, şura erkânı şekillendirilmedi, er kes keñeş erkânına kire bile.

Qırımtatar halqınıñ «Cemaat keñeşi» – ayda eñ azından bir kere toplaşacaq bir organdır. Qırımtatarlarnıñ cemaat-siyasiy küçler qurultayı keñeşni dağıta bile.

«Milliy Firqa» ve «Qırım birligi» cemaat teşkilâtları Qırım «akimiyetine» namzet kösterecegini ve «qırımtatar halqınıñ cemaat keñeşini» meydanğa ketirecegini yazda aydınlatqan ediler.

Meclis bildirgenine köre, akimiyetke qol tutqan qırımtatar areketlerini meydanğa ketirmekniñ esas maqsadı – qırımtatar halqınıñ idare organları olğan Meclis ve Qurultaynıñ alternativasını şekillendirmektir.

XS
SM
MD
LG