Noyabr 4 künü, Rusiyede devlet bayramı sayılğan Halq birligi künü munasebetinen Aqyarnıñ merkezinde bir qaç biñ insan toplaştı.
Qırım.Aqiqat mühbiri bildirgeni kibi, tedbir saat 10: 15 başlap, saat 10:55 bitti.
Numayış iştirakçileri rusiyeli devlet ve siyasiy firqalarnıñ bayraqları altında Lenin soqağından Nahimov adına caddesine qadar bardılar.
Tedbirniñ başında «gubernator» Sergey Menâylov ve Qanun çıqarıcı toplaşuvnıñ «reisi» Aleksey Çalıy reberliginde aqyarlılar Nahimov meydanındaki Aqyar imayecilerine tiklengen abidege çeçekler qoydılar.
Qısqa miting devamında Sergey Menâylo, «Aqyar, Qırım ve Rusiye daima birlikte ediler», dedi, Aleksey Çalıy ise, «Men bellesem, keçici müddetni keçirip, Aqyarnı tiklermiz» dep ayttı.
Bundan soñ, numayış şeer memurlarnıñ reberliginde devam etti. İştirakçiler arasında «Aqyarnıñ rus cemiyeti», «Aqyarnıñ rusiyeli cemiyeti», «Sobol» kazaklar cemiyeti, milliy-medeniy teşkilâtlarnıñ vekilleri buluna ediler. Bunen beraber, yerli imeciler, Donetsk halq cumhuriyetiniñ askerleri ve «Novorossiya» temsilcileri iştirak ettiler. Mektep talebeleri ulu Rusiye ve küçlü prezident aqqında yırlap kettiler.
Bazıları qollarına Vladimir Putinniñ resimlerini alıp yürdiler.
Havfsızlıqnı politsiya hadimleri ve kazaklar temin ettiler.
Yürüş devamında Lenin soqağı ve Nahimov caddesinde areket toqtatıldı. Şeerniñ merkezinde vatanperverlik mevzusında rus yırları yañığıradı.
Aktsiya iştirakçileri şeerniñ merkezine yetken soñ, biden dağıldılar.
Tamam bu kibi tedbir Aqmescitte de ötkerildi.
