Latviya tışqı işler naziri Edgars Rinkeviçs Københavnde Birleşken Milletler Teşkilâtınıñ (BMT) baş kâtibi Pan Gi Mun ile körüşti. Rinkeviçs Ukrainadaki vaziyetni muzakere etip, işğal etilgen Qırımda milliy azlıqlar aq-uquqlarınıñ bozulmasını qayd etti.
Bunı Latviya tışqı işler nazirliginiñ matbuat hızmeti bildire.
«Bizler qırımtatarlarğa qarşı yapılğan basqı, olarnı qorquzuv, yaşav yerlerinden quvuv ve esir aluv aqqında haber alamız. BMT ve diger halqara teşkilâtlar buña emiyet berip, Rusiyeni milliy azlıqlar aq-uquqlarına riayet etüv qaidelerine uymasına çağırmalılar», – dedi Latviya naziri.
Ukraina ve halqara uquq qorçalayıcı teşkilâtlar Qırımda millet mensüplii boyunca ayırım ve repressiyalar aqqında ep bildireler. Ukraina tışqı işler nazirligi qırımtatarlar oğrağan vaziyetni «ekinci sürgünlik» dep aldadılar. Şimdilik Qırımda repressiyalarnı toqtatmaq mevzusında yalıñız halqara toplulıq yardımcı ola bile, dep bildire MİD.
